Марказий Осиё ҳудудида буддавийликка оид диний семиотик белгилар

Annotatsiya

Буддавийлик Марказий Осиё ҳудудида маданий ва диний жиҳатдан катта таъсирга эга бўлиб, унинг диний рамзий-семиотик белгилари минтақа маданиятида ва ижтимоий ҳаётда муҳим ўрин тутган. Ҳиндистон ҳудудида юзага келган таълимот Буюк Ипак йўли орқали бошқа минтақаларга тарқалган, шунингдек Марказий Осиё халқлари ҳаётига, уларнинг диний ва маданий дунёқарашига чуқур таъсир ўтказган. Буддавийликнинг Марказий Осиёдаги тарихи, унинг диний рамзий-семиотик белгилари, бу белгиларнинг маъноси ва маданий контекстдаги ўрнини аниқлаш, манбалар асосида кенг қамровли таҳлил ва илмий далиллар келтириш, илк буддавийлик рамзларининг семиотик таҳлили ва уларнинг Марказий Осиё маданиятидаги аҳамиятини ўрганиш бугунги кунда диншунос мутахассислар олдида турган вазифалардан биридир.